Мо уафэм зэ сыдэплъеямэ,
Бзийхэр дыщэпс Iуданэщ.
"Мо дыгъэм сыт фIэпщынт? "-жаIамэ,
Жэуап естынут: "Анэ".
Уи вагъуэр жэщым къэлыдамэ,
Вагъуэбэм и зы кIанэу.
"Мо мазэм сыт фIэпщынт?"- жаIамэ,
Жэуап естынут: "Анэ".
Къуршыжьхэм зэ уныдэкIамэ,
Укъыздищтэнэт псы бланэм.
"Мо къуршхэм сыт фIэпщынт?"- жаIамэ,
Жэуап естынут: "Анэ".
Уа, анэ дыщэ, нэр зэтеспIэм,
Си нэгу укъыщIохьэж,
Гущэкъу уэрэдри къызжепIэу,
ПщIыхь дахэм сыхэшэж.
Анэ
© Copyright: Дина Багова, 2016
Свидетельство о публикации №116122904909
Свидетельство о публикации №116122904909
Рецензии
