Аман заз ви къалурмир чин,
Захъ вун аквар вилер амач.
Экъична яд, хана гичин,
Ви гъил кьадай гъилер амач.
Буьркьуь хьуй вун акур вилер,
Вун зал гьинай дуьшуьш хьанай?
Заз квекай са чара, эллер,
Зун, вун акур, батмиш хьана.
Я кIвал кIаняй акъатай кас,
Вуна зи рикI пад авуна.
Заз на кьисмет авуна яс,
Душмандин кьуьд, гад авуна.
Жедачирни эвел кьиляй,
Зун икьван на шадначиртIа?
Вегьена зун халкьдиз виляй,
Зи мурадар ядначиртIа?
ГьакI ятIани галама вил,
Вун гъуьл кьена, хтуналла.
Эхиримжи сефер це гъил,
Зи чан туьтуьн хтуналла!
Я залумдин хва Сажидин,
Къе ви рикIел вуч тир атай?
Жегьил чIавуз муьгьббатдин,
Мулд цуькверин кIунчI тир атIай!
ЦЕ ГЪИЛ
© Copyright: Сажидин Саидгасанов 4, 2016
Свидетельство о публикации №116122509725
Свидетельство о публикации №116122509725
Рецензии