ХАР КИМ ДА
Хар ким да жашауну багъасын алыр:
Харам жюрекли - харамлай къалыр.
Сыйлар Аллах ийманы болгъанны,-
Нелерин да кёреди ёллюк жанланы.
Гюняхлымамы - анга да къарамай,
Мени терслейди биреулен уялмай.
Бирда къоркъмайын Уллу Аллахдан,
Кёрмеседа менден бир хата, заран.
Тенг этмейме мен аны кесиме,
Ол айтханнга кёре, мен андан кемме.
Бу дунияда тапмасам да тюзлюкню,
Ол дунияда сынарбыз бир Хакъ кюнню.
Хау, болур мени да терс ишлерим,
Болур тапсыз сёлешген жерлерим.
Алай а мени ниетим, ишим да тазады,
Аны сууаб' дефтерге мёлегим жазады.
Байтугъанланы Исмаил
Хар ким да
© Copyright: Исмаил Бейтуганов, 2016
Свидетельство о публикации №116122503404
Свидетельство о публикации №116122503404
Рецензии