Назму тизген Сакинат
Мусукаланы Сакинатха
Назму китабынгы сюйюп окъуйма,
Къалай ариу сёзлюсе сен, кёреме.
Поэзия тизгинлени тогъуйма,
Санга андан намыс эм сый береме.
«Нюр» журналынг – бизге къууанч къуру да,
Аны бла юлгю болдунг кёплеге.
Назмулада тауну гюлю, журу да,
Учадыла гылан къушла кёкледе.
Назму тизген, жомакъ жазгъан Сакинат,
Миллетиме юлгю болуп тураса,
Татлы тилли, сен нюр бетли Сакинат,
Жашха, къартха да бирча эс бураса.
Ариудула, ёхтемдиле сёзлеринг,
Жюреклени жылытханлай турурла.
Таукел эте, къууанч тёге кёзлеринг
Окъуучуну эсин санга бурурла.
Байтугъан Исмаил
Назмучу Мусукаланы Азнорну къызы Сакинатха атайма
© Copyright: Исмаил Бейтуганов, 2016
Свидетельство о публикации №116122410915
Свидетельство о публикации №116122410915
Рецензии