ТАНЗИЛЯ
Зумакъулланы Танзилягъа
Жазгъанынгы окъуйма мен жаратып,
Болмаз сенден ариу сёзлю бир адам.
«Танзиля!» – деп, атынгы ёхтем айтып
Андан турады сени саулай алам.
Сен кёл салып жазаса жазгъанынгы,
Поэтлеге юлгю болгъанса андан.
Сюеме мен сени назмуларынгы
Не кюнде да китап ачып, окъусам.
Миллет ёхтемлигибизсе сен бизни,
Ариу сёзлю, татлы тилли Танзиля,
Жарыкъ кёллю эгечибизсе бизни,
Энтта кёп жылланы тур назму жаза!
Байтугъанланы Исмаил
Жерими шайыры Танзилягъа
© Copyright: Исмаил Бейтуганов, 2016
Свидетельство о публикации №116122410844
Свидетельство о публикации №116122410844
Рецензии