Кайсыну Кулиеву -Лауреату Ленинской премии...

Исмаил Бейтуганов
КЪАЙСЫННЫ ЭСГЕРЕ

Къулийланы Къайсынны эсгере

Санга атап, назму жаза,
Сагъыш эте, олтурсам да,
Санайма сёзюмю азгъа,
Жюзлеп дефтер толтурсам да.

Балча, татлы – назмуларынг,
Сюйюп окъуйма аланы.
Акъыл сёзню жазылгъаны
Жарыкъ эте китапланы.

Хар назмусу да Къайсынны,
Миллетге саугъа болады.
Аны айтхан сёзю – жылы,
Жюрекледе ыз къояды.

Таулу юйде от жагъады
Бизге къалгъан акъыл сёзю.
Чегем чучхуру агъады,
Къая бетин эте тузлу.

«Къайсын!» – деп кёп айтадыла
Дунияны кенглеринде,
Тауда суула къатлайдыла
Атын, кеси кетгенинде.

Дуниягъа махтау бла
Халкъымы атын айтдырды.
Къайсын бла, таула бла
Таулу да тангын атдырды.

Таулу шайыр, устаз Къайсын,
Сёзлеринги байракъ этдик.
Биз атынгы атхан сайын,
Башыбыз жулдузгъа жетди.

Байтугъанланы Исмаил,
Тёбен Чегем эл.


© Copyright: Исмаил Бейтуганов, 2016
Свидетельство о публикации №116122410818
Список читателей / Версия для печати / Разместить анонс / Заявить о нарушении
Другие произведения автора Исмаил Бейтуганов
Рецензии
Написать рецензию
Другие произведения автора Исмаил Бейтуганов