ЖАТХАН ЖЕРИНГ ЖУМУШАКЪ БОЛСУН
Мурдарланы къолларындан ажымлы жоюлгъан хунерли къарындашыбыз Геккиланы Казбекге атайма.
Таулу халкъны къара булут басханды
Таулу улан мурдар къолдан ёлгенде.
Казбегибиз, жолунг нечик къысхады!
Бушуу этди халкъынг, муну кёргенде.
Сен ажымлы жоюлгъан бир уланса,
Атанг, ананг – огъурлула, асылла,
Жюрекледе ариу жарыкъ къойгъанса,
Сёзюнг, нюрюнг мында бизге къалсынла.
Ышарыуунг кеталмайын бетингден,
Санга къарап, ёхтем болуп тургъанбыз.
Ачы кюннге бизни шагъат этдиле,
Биз ол кюнде ачы тирмен бургъанбыз.
Жарлы этди бушуу ата-анангы,
Жапсарыула жарап, жюрек эрирми?
Сени кибик кёрюмдюлю болгъанны
Жашау сакълай, къарыу эте билирми?
Бир бек эртте кетесе да чарслагъа,
Жатхан жеринг болсун нюрлю, жумушакъ,
Жер юсюнде асламдыла тасхала,
Жаннет чыпчыгъы этсин сени Аллах.
БАЙТУУГЪАНЛАНЫ Исмайыл.
Тёбен Чегем эл.
Памяти журналиста Казбека Геккиева
© Copyright: Исмаил Бейтуганов, 2016
Свидетельство о публикации №116122410718
Свидетельство о публикации №116122410718
Рецензии