Цаца заман бурара
Х|аке ляркьяс рук|уле
Гьана рак|илрус иша
Урк|и гьалак бук|уле.
Шип|ле леврив кайхьува
Иша ватунил х|яйзе?
Дахъал т|арук|яхъира
Церук|ушара х|азе.
Ванай берх|и х|айгуле
Дяг|угьурибес ина?
Лапкес чирагъ агале
Арбякьуну х|улба ша?
Ляхъилис гьалмагъ агор
Леблехьале унрубе
Сагарам ц|елдубани
Анъ арбукиб, бегъуле
Нушара дак|ес биркур
Х|а мякьля мурт бугьалра
Имайчу дак|есана
Цен х|язир дугьах|ара
Рак|илзака ца лагьиъ,
Дяг|яйле т|арбук|уле.
Рис х|арисус рук|алра
Х|улбе лер ч|угъдук|уле.
Нам жавабра х|агири
Кариилрусчи мякьла.
Ванабугьуб жагале,
Миъ ц|елда, уди някьла.
Ц|елда вана баралра
Урк|и вана х|абирис
ВАллагь, х|а т|ама Атай
Цеук|алра х|абикьис...
Цаца заман бурара...
© Copyright: Айшат Акаева, 2016
Свидетельство о публикации №116122209623
Свидетельство о публикации №116122209623
Рецензии