Атайла вун сергьят алай рекьерлай
Вири парар аватнай зин хъуьнерлай.
Чими салам кьабулна вин гъилерлай
Вин нефесди чим гана заз к1ениди.
Авай тир зун ,гьуьзетиз вун синерлай
Атанай вун .гьа зун алай чилерлай.
Алмазри нур ганай яру хъуькъверлай
Накъвар тушир .зин вилерлай фейиди.
Ак1 хьанай заз циферни кваз хъуьрезва
Вири дуьнья вилик кваз зун къекъвезва.
Вун акуна,зин сагълам кьил элкъвезва
Гьа и сир тир ,за зин рик1е хвейиди.
Чиз амукьнач вахтни мекьи кьуьд тирди
Зин гьал дегишрай алмат вид тирди.
К1енивилин къуват лап ч1ехид тирди
Уьмуьрар тир ,маса рекье фейиди.
Агъзур хиял къвез гьатна мад рик1е зи
Вири уьмуьр аруш хьана кьиле зи.
Хьаначт1ани вун уьмуьрдин рекье зи
Вин къамат тир ,зин бахтуна кьериди.
Мад хтана вун зин рекьел
© Copyright: Гулья Мисриханова, 2016
Свидетельство о публикации №116121006719
Свидетельство о публикации №116121006719
Рецензии