К1ван заанвал

К1ВАН ЗААНВАЛ

Швушвра гъахунза…
Швувазра гъушунза…
Швурра гьидипунза…
Гьамузкьан юк1в архаин шул к1ури…

Гъунши ширин гъап1унза…
Гъулан аьхюр гъагунза…
Гъудганра, икрамра ап1ураза
гьамузкьан юк1в архаин шул к1ури…

Ватан хабахъ хъибтунза…
Вартбарин язухъ зигураза…
Варибдихьди гъян абц1унза
гьамузкьан юк1в архаин шул к1ури…

Шулдар, шулар, шулдар
гъурдсиб аждагьа,
ккуру ливливсиб уьж,
аьжалну гъадабгънашул учв!?

Эй, инсан,
гьамкьан масан,
фу дубхьнаш увуз гьаз рябкъюрадарвуз
яв юк1в ап1уз гьадмукьан йисир
фужк1а хътру саил вуйибси усал?

Увуз гужназ тувнайи дин тина дап1ну
гат1архь улар Галгофайиинна…
Пилатдин улихь Хьайириз лиг…
пидарш уву: «Жан масан Адаш!»

Хъа гьадмуган лигухьа
шулдарш думу зегьриман архаин
жвуваннур,
жвувхъанди жан Тувурнур ккун дап1ну
ккунивалиан Дугъаз икрам ап1руган! –
Магьа яв к1ван архаинвал!
Магьа яв к1ван заанвал
гьамусдихъантина
гьаммишандиз,
Гьадгъан гьунарниинди
вари дюнья хъана хилиз дурубкьнайи инсан!