блэнэ у1агъэм сыд и1эзэгъу?
к1алэ у1агъэм сыд и1эзэгъу?
гъугъэм игъогу ар зырык1ок1э,
гугъэм игъуазэу гъогум техьагъэу,
щэу зыу1агъэм игъогу рык1озэ
1эзэгъу 1эш1эхы ащ ыгъотына?
сэ сызыу1агъэм щэр схимыхыжьэу,
зысымгъэсысэу пытэу сипхыгъ.
лантэр фимимыш1эу с1эхэр ыпхыгъ.
сынап1эр с1этымэ, сыгу къыси1уагъ,
нэшъу сиш1ынэу тыгъэм инэфы.
1эзэгъоу си1эр сэ къызгуры1уагъ,
тыгъэм инур, инэплъэгъу 1эш1у.
1эзэгъур зышъ сэри сымыщт,
чэщ шъунк1ыми гъогур згъотыщт.
гъогу чыжьэу, гъогу закъу.
гъунэр имы1эу сэ зыстехьагъэм,
сыкъэуцунэп сфэук1очъын.
псышхом ик1уачъэ сыгу къыщек1ок1ы,
псыр игъук1ыщтэп, гур игъук1ына?
орэд мэкъэмэу сэ къыздек1ок1ы.
сезэщэу зэщыгъоу зэу къысщыхъуна?
сыдэущтэу тыгъэм зэщ къысфихьына?
нэфыри къэш1ымэ тыгъэр зызакъу,
к1алэ зизакъом ар ип1эл1эш1ы.
гугъэу ыш1ыгъэр гъогунчъэу хьуна?
ащ фэдэу мыхъумэ бэу насыпыш1у.
Си1эзэгъу
© Copyright: Руслан Хут Адамович, 2016
Свидетельство о публикации №116120311812
Свидетельство о публикации №116120311812
Рецензии