* * *
Зи рик1из экв хъичирай шем, я Ребби, нин к1вале ава?
Нин яр я ам? - жузуз куьне, зун ялавра, к1еве ава!
И гьижрандин себеб тирда, зи рик1, зи дин харап1 авур,
Нин къужахда ахварзава, гьи межлисда-меле ава?
Ал п1узаррин жегьре шараб зи сививай яргъал тахьуй -
Нин дидардин дарман я ам, вуж ят1а, жем гъиле авай?
А шеминин къвалал ширин суьгьбетдин бахт ни гузват1а?
Суракь ая, тавакъуйда, жаваб хкваш бине авай!
Шумуд адаз ялвар ийиз, иер гафар лугьуз ава,
Нин махарихъ ягъазват1а сир вугана рик1е авай?
Я Аллагь, а лали-гевгьер, гьич санани такур хьтин,
Нинди ят1а, такабурди, Зуьгьредин нур пеле авай?
За лагьайла: "Хафиз михьиз табдил хьанва - вун галачиз!"
К1уф хъуьрена, рахана ик1: "Табдилди нин геле ава?"
Перевела на лезгинский язык Пакизат Фатуллаева.
Хафиз
© Copyright: Пакизат Фатуллаева, 2016
Свидетельство о публикации №116120301167
Свидетельство о публикации №116120301167
Рецензии