ЛЕЖБЕР ВА АСЛАН
Кьиса
Са сеферда аслан гьахьна лежбердин цуриз,
Кал кук1варна т1уьна, ина кеферна вичиз.
Тух хьайила, ял акъадриз ярх хьана чилел.
Калин патав фин акьалтна лежбердин рик1ел.
Экв-зат1 гвачиз гьерекатна гьаятдиз вичин,
Кал угъриди тухуникай чанда гьатна кин.
Цура, аслан акатайла, кесибди, гъилик,
Къваларилай кап аладриз, авуна чан-рик1.
Фикирзава асланди ик1: "Кьве к1вач квай ламра
Вичин каляй гьисабна зун, шад хьана пара!
Им югъ тирт1а, гъил хк1урдай авуна жуьрэт,
Къалурдайт1а заз вичин и хатурар, гьуьрмет?
Йикъан экв яз, адан крар дуьз жедай ажеб:
Тек зи суфат акун бес тир - кьве пад жедай себ!"
Акьуллуди, чира сифте агьвалатдин пун,
Течир касдиз ихтибарна, гъалат1 жемир вун.
Перевод на лезгинский язык Пакизат Фатуллаевой.
Джалаледдин Руми
© Copyright: Пакизат Фатуллаева, 2016
Свидетельство о публикации №116120301073
Свидетельство о публикации №116120301073
Рецензии