Ахъавур вил аквазвай заз, гьар са югъ,
Ваз шукур хьуй я сад Аллагь, заз гайи!
Зун зи к1вачел гьар пакамаз къарагъур,
Гзаф шад я уьмуьрдал зун зи хьайи.
И дуьньяда пара крар рик1еваз,
Физват1ани уьмуьр гьак1а чаз четиз.
К1андач анжах гьерекатар к1улаваз,
Сагъ саламат - регьятвал я зи рик1из.
Женетдин багъ, экуь дуьнья ваз акваз,
Диде, мукьва, жуван дустар шаддаказ.
Балаярни сагъ саламат вилик кваз,
Я сад Аллагь! Агъзур сефер шукур ваз!
Я сад Аллагь, агъзур сефер шукур ваз!
© Copyright: Назиль Махмуд 76, 2016
Свидетельство о публикации №116112803627
Свидетельство о публикации №116112803627
Рецензии