Фена бейхабардиз,вун,садлагьана,
Техкъведай рекьери ттуна кlвач жуван.
Хтанва къурбатрай-икl кьисмет хьана,
Вучиз вуна,диде,вилив хенач хва?
Садални ихтибар ийиз жедачир,
Нин винел вегьена,фена гила,чун?
Гьар са тlал-квал анжах ваз чир жедай,чи,
Гила бес чи дердер,чуна низ лугьун?
Са кlус начагь хьунмаз,агакьдай вун фад,
Гьинай жагъадай вав акьван тешвишар?
Яхцlурни кьвед хьанва,гьарарат зи,мад,
Туьхуьра гилани зи ялав,де ша.
Акъваз жезвач завай кlвалари,гъене,
Виринра вахъ къвекъвез,ама,зи вилер.
Са ялав гьатзава,са цlай-зи къене,
Гьар сана,гьар шеи-акваз ви гелер.
Дарих я хур-гьава агакьзавач,зи,
Къачузвай нефесни вид тир кьван.де лагь.
Закай къакъатунал хьана вун рази-
Ви патав,сарарал,къвезва зун гила.
Дидедиз
© Copyright: Намик Фарзалиев, 2016
Свидетельство о публикации №116112703959
Свидетельство о публикации №116112703959
Рецензии