ЙИЗ КЬЮБ МЕЛЗ!
Йиз ушвниъ кьюб мелз айиз:
дурарикан сабнуб лап аьхюб вуйиз,
хъа тмунуб – лап биц1иб.
Йиз ушвниъ кьюб ч1ал айиз:
дурарикан сабнубдин дих
варидариз ебхьури шулу,
хъа тмунубдин гьарай,
аьршариккнакьан вушра,
гьич саризкьан ебхьури шулдар.
Йиз ушвниъ кьюб дад айиз:
сабнуб – хявишин – аьхюбнуб мелзназ ккуниб,
тмунуб – меълишин – биц1ибнуб мелзнан кумир.
Аьхюбнуб мелзну чан хявишин,
варидариз ебхьру ч1алназ илт1ибк1уру,
хъа биц1ибнубди чан меълишин,
саризкьан ебхьуз даккунди варидариз кап1ру.
Думу ч1аларикан сабнуб, ушвниан идипру куч1ал вуйиз,
тмунубра – саризкьан даккни Гьякьвалин гаф вуйиз.
Аза, йиз жандиз ужу хьуз, увуз к1уч1лар ап1ури.
Аза, йиз рюгь ккарцуз, жандиан гьякьвал ибичури.
Аза, йиз жан гьякьвалихьан марцц ап1ури.
Аза, йиз жандиинди йиз рюгь кац1ри.
ЙИЗ КЬЮБ МЕЛЗ!
© Copyright: Рашид Азизов 2, 2016
Свидетельство о публикации №116111911690
Свидетельство о публикации №116111911690
Рецензии