(Заз йиферин мич1ерикай кч1еда
Мич1и йифер мич1и жеда, лал жеда.
РИММА)
Хайи чилел, хайи къванцел алк1ана
Зи гафари и накьвадал ц1ирзава.
Ц1верек1 къачур къулан ц1укай галк1ана,
За йиферин аламатар чирзава.
Мич1и йифер, секин жеда Римма вах,
Заз рик1ерин мич1ерикай кич1еда.
Жуванбуру чирнава заз кич1е жез,
Эквер ч1улав, рик1ерикай кич1еда.
Чи т1алариз чавай дава хьайит1а,
Авуд жеда дуьня шердин ахварай.
Тек йифер ваъ, мецерни лал жедачир,
Чи лезгивал хкиз жедай махарай.
Хкиз жедай махарай
© Copyright: Эйваз Гуьлалийрин, 2016
Свидетельство о публикации №116111711465
Свидетельство о публикации №116111711465
Рецензии