Таьлме хайна котам санна лорадеш фуаш
к1ий лораду хьакимаш наьх ахча дуаш
п1елга т1а п1елг бац уж тохаш
бала бахьаш венача сагаг бац ладувг1аш
Нагахьа 1а ца лой царна кхалап
багар доаккхаргдац цхьа алап
хьалха-м доккха дар цар къамаьл.
хеталора,ма дика нах ба,ва Везан Даьл
Юхь-къу,хьа бокъонца юхь мишта гургъяр?
цхьан м1аьжга к1ала кхыяр хургъяр
Мишта юзаргъяр хьа бух боаца гаьг?
хьо ваьлча кхоача из к1ий меца даьга
Денгара-ди мел доала лакхалуш балхазал
Ахча ца таъарг хьежжа лелае езаш говзал
дезал кхаба наькъаш лехаш б1орахой
бий-те бехк цар, во дар де уж г1ой?
Ма хила сел мец,д1аяккха писал
ахча бахьан ай ма ле, ма вала эсал
ма мотта массахана хургда хьай кисаш диза
уйла е,улларгвоацаш т1ехьаг1а колдах виза.
(Тембенаькъан Мусай Мухьаммад,15-г1а лайчил,2016 шу)
к1ий
© Copyright: Магомед Тамбиев, 2016
Свидетельство о публикации №116111600399
Свидетельство о публикации №116111600399
Рецензии