сонет
Ван къвезвач ваз къе зун рахай гафарин,
Вучиз ятIан чидач, закай хъел къвезва.
Ийир тийир квахьна зазни шел къвезва.
Ви вилерни къвез ацIузва накъварив.
Зун ягъазвач зи вилерихъ, чIалахъ туш.
Вун туш жеди алайди зи къаншардал.
Белки расал хьана жед зун ухшардал.
Мад лугьузва за- им жедай кIвалах туш.
За шииррал авур тегьер ви тариф,
На акси яз ийизва зи синихар.
Тахсир лагь зи пислемишиз къилихар,
РикI атIудай чIалар ийиз заз тесниф.
Ван хьана заз сифте яз ви рубаяр,
Зал гьалчзавай залан хвахар-талбаяр.
© Copyright: Сейфудин Шахпазов, 2016
Свидетельство о публикации №116111210567
Свидетельство о публикации №116111210567
Рецензии