гуйре 1992

Шийла гуйре,ц1ех хьалдиза 1амаш
боабеш латтача наьха 1имадаш
моастаг1ал гучдаьккхар лоалахош
шойле барт баь, к1ийленга уж ховш

"Эрсе""х1ире" карташта фост да
иштта шой бараш царна бовзаргба
бераш доадаь хьакашта товсаргда
низ боаца кхалнах хьувзабергба

Аьрсенгашца д1атийга чий
алал, хой хьона цу чу йоалар фуй?
уж дар кортош, яхаш дувцар дас
хиннай цу деношка вай мехка вас

Къонахи-м маца хиннабар х1ирий?
шой лаьттар лаьхка хинна истий
кура баьнна шоашца эрсий болаш
хеталора деррига шой карадолаш

Х1ама дац,эрсий даима хургбац
хьакимашта лаьш кхы эшаргбац
алал т1аккха оаш фу дергда
кхывола аьла лаха шо г1оргда?

Из х1ама хинна дукха ха яц
дицдала йиш йолаш дац
ба вайна юкъе ма1анах,доалаш моашал
яхаш "к1ордбаьб т1ом, тхона эша машар"

Хьал ма кхе хьо мо вола ма1а
ваьвий-те хьавешшехь ва1а
х1ама ца делой а диц ма ле
юхадекъаргда,г1алг1а, мел ма ле

(Тембенаькъан Мусай Мухьаммад
3-г1а Лайчил,2016 шу)