Кьунва хайи дидедин хьиз за гардан,
Кьилихъ галай къванни,заз,я лап масан!
Чилер падна,рахада зав ам бирдан,
Мецеллай гафни хьанва,заз,пак залан!
И цlуд чlиб алай,са мичlи дерин фур,
Тlал яз ава рикlе зи дидедин сур!
Накъвар физ вилерлай,пад жезва зи хур,
Къвалал,дидедин,жедачни бес зи сур?!
Атанвайни,вун,дуьньядиз мугьман хьиз?
Зунни ви рехъ давамариз атанва !
Акуна,вун,ви балайриз дарман хьиз!
Зунни,диде,эхиратдихъ ягъанва !
Уьмуьрар тазва ажалди гьа сура,
Диде,жуваз багьа я гьар са чlавуз!
Инсаниятдин тlал авазва хура,
Ятlани кlан туш,заз,рикlин тlал атlуз!
Дидедин сур
© Copyright: Марьям Алискерова, 2016
Свидетельство о публикации №116102907830
Свидетельство о публикации №116102907830
Рецензии