ч1ир

1а даьр хьона юхадера?
хьа тийша болх дезало ц1абера
вар из хьо ва мотташ доттаг1
цунна хацар, хьо вар моастаг1


Кховда ца везача кхайдар
из Далла хьона хьахайтар
дийна вусе хьо волча воаг1аргва
аз хьона юхадекъаргда


Хьо юкъерваьккхач воалаш вац
цу т1а тархьар кхоачалуш дац
кхывола шиъ,кхыдола бахьан
цар из х1ана даьд хац тахан


Цхьацдола къамаьл хозаш
лерг дилла вар ладувг1аш
уж бар вувцаш маьрийи
из ве аьнна амалт даьреи


Цхьа тайп,цхьа юрт,кхо саг
ч1оаг1а воала сона дага
ца1,герз д1адолаш,эрсеш лаьцар
вож вар юкъе волга хайнадацар


Зама йоаг1а хабар дахьаш
къайлаг1а хиннар гучадоахаш
хоза дувцаш,юхь-духьал вийлар
юхь-къоал деш вар хилар


Т1ехьаг1а маьри а гучваьлар
лелаш вайнав цхьане аьлар
са даь вош валарг хьежаш бар
аз пхьа битар дезаш бар


Шоана хетар гаьна да
аз дутаргдац,ц1адахьаргда
Далла аьннадале ха йоаг1аргъя
шоана д1ахалда,ч1ир аз лехаргъя.

(Тембенаькъан Мусай Мухьаммад,28-г1а Тов 2016 шу)