Имран ва кlек

Гишин хьана-нисин яз,
Имран кlвализ хтана.
Алтадна дуьдгъер,адаз,
Дидед,са чlук фу гана.

Ама фан чlук гъилеваз,
Фена гъенел мад,къугъваз.
Дамахдин звар пелеваз,
Гьазур яз-фаз кlас ягъаз.

Цlару кlекрез акуна,
Имранан фал темягьна.
Кlуф ягъана,къачуна,
Катна,демекдиз гьахьна.

Пагь атlана,амукьна,
Гъиляй текъвез мад са затl.
Адахъ яман галукьна,
Кlекре авур ягьанат.

Шел акатна Имранахъ,
Вуч хъийида-чин тийиз.
Хтана ам,гатаз рак,
Шикаятна дидедиз.

Секинариз алахъна,
Темен гана,диде,ам.
"Хгуда мад,-лагьана,-
Атlуда за кlекрен кьам."

"Ваъ,-лагьана Имрана,-
Заз зи фан чlук хканда."
Гъвечlи бицlек,датlана,
Шегьиз хьана айвандал.

Чара атlай дидеди,
Хцин,кьуна гъил,гъана.
Къалурна рак,демекдин,
"Де гьахь,къахчу,"-лагьана.

Шегь хъувунач,илигна,
Икl хьайила-бицlекди.
Сад-демекдиз килигна,
Садни-чиниз,дидедин.

Демекдай кlек акуна,
Кичlе хьана Имраназ.
Гьакlа мурмур хъувуна:
"Гишинзамач хьи,мад заз".