Дигмиш хьана,къуьлерин,
Гуьдай вахтун береда-
Суьгьбет физ тир,кьве кьилин
Вичин хелвет арада.
Са къуьлуьн кьил,муькуьдаз,
Суализ тир-тегьердив:
"Килиг жуваз,килиг заз,
Гьим я гзаф бегьерлид?"
"Фагьум вуна и никиз,
Аван вун хьиз садни гьич?"
Кьили,сивяй яд цикlиз,
Тарифзавай вичи-вич.
"Дуьз я,стха,гьахъ я вун,-
Жаваб гана "зайифди",-
Дамах квай и рахун,
Манасуз я,гьайиф хьи."
"Гъвечlи ятlан буйунал,
Къуьлуькай зун ичlи туш.
Хъуьтуьл я зун,суюнал,
Амма тварар пичlи туш.
Гьатна къаврах накьвади,
Яргъи хьанва ви буяр.
Завал хьанач,аквадай,
Къванце гьатнач дувулар.
Вазни за гун,са суал,
Гила вуна це жаваб.
Хьанайтlа зи чкадал,
Гьикl жедайтlа вун,яраб?"
...Четин рехъ дуьз физ алахъ,-
Им я гафун нетижа.
Лаш къвекъуьриз,регьят рехъ-
Буьркьуьдвайни физ жеда.
Кьилерин бягьс
© Copyright: Намик Фарзалиев, 2016
Свидетельство о публикации №116102406596
Свидетельство о публикации №116102406596
Рецензии