ГЬЯЙИФ
Йигъан гвач1ин ккахьра ахсрар…
Ахсрар дар дурар, хъа – убгурайи ц1а!
Ургуразу ц1аси улариз дярякъди…
Мидкан хабар айир айк1ан яраб?!
Ригъдин нурар дифаригъян –
Хюрчаъ люкьран хлинццарси ву.
Люкьси хиялариъ т1ирхуразу
Нурар дисуз ккунир агури.
Дифар кьюкьяриз илт1ик1ура
Йиз к1ваканра кьюкь ктап1ури.
Кьюкьяригъян мархь гъюдубзура
Йиз нивгъкьан думу вуйк1ан яраб?!.
Ккиврайи ахсрарин гъавриъ даршлуган
Узу гъургуб ч1яаьн хуз вахт дарин!
Гъяркъю ляхнар ибак дарап1руган
Ургурайи узу шлиз рякъюйк1ан яраб?
Сарун люкьси удуч1видиза завуз
Гъюрайи узу Ккунирин гъаншариз
Узхьан шлуб гъап1унза йиз халкьдиз
Гьяйиф, хъа гьап1ру инкарваликан чпин.
Гъавриъ т1аъру мархьар ургъурашра
Файда шулин къур духьнайидариз?
Дугъан нурарикк мани гъап1нушра
Мани гаф ву дурарин чпин бутариз.
Гьяйиф
© Copyright: Рашид Азизов 2, 2016
Свидетельство о публикации №116101700394
Свидетельство о публикации №116101700394
Рецензии