Са шикил я,килигзава заз цлай,
Лал са шикил-я ван авач.яни мез.
И шикилди-диде-буба саналлай,
Ийизва заз абур гила чеб эвез.
Авай лугьуз,диде-буба,ягъалмиш
Хьанатlа жал-фикириз за,хазва кьил.
Саки хьанач гьич дуьньядал яшамиш,
Саки даим хьайид я тек и шикил.
Кьатlузва за,кьетlен фикир гайила,
Абрун вилер даим винел ала зи.
Вичиз дакlан са кlвалах кьаз хьайила,
Бахишрикай чуьнуьх тежез ама зун.
Папан винел ван хкажиз вугузвач,
"На гъайи свас авач кlвале,чи,"-лугьуз.
Аялрин хъел за зи къене чlугузва,
"Кичlе межер,"-вил ягъазва хтулриз.
Начагь хьана аватайла месел,зун,
Тембигьиз я мад,бубадин вилери.
Мелгьем жезва дидедин са килигун,
Авсунзава зи тан саки,гъилерив.
И бахишрин кlаник,ксуз-къарагъиз,
Ава,абру-гила заз руьгь гузава.
Диде-бубад ванци,легьзед карагиз,
Яшайишдин гьевесар зав хуьзава.
Шикил
© Copyright: Намик Фарзалиев, 2016
Свидетельство о публикации №116101504892
Свидетельство о публикации №116101504892
Рецензии