Разумееш, гэта сьмешна, вельмі сьмешна,
Але я такі закончаны дзівак!
Я ганюся за туманам несуцешна,
І з сабою мне ня зладзіць аніяк!
Люд імкнецца да раскошы,
Людзі лётаюць па грошы,
Уцякаюць ад маркоты, ад злых слоў...
А я еду, а я еду па туманы,
Па туманы і па водары лясоў!
Разумееш, гэта проста, вельмі проста
Для таго, хто сам сабе сказаў:"Бяжы!"
Уяві, што гэта востра, вельмі востра --
Горы, сонца, піхты, песьні і дажджы!
Хай паўнюсенька набіты
Мне ў дарогу чамаданы:
Памяць,сум, і незьлічоны лік даўгоў...
А я еду, а я еду па туманы,
Па туманы і па водары лясоў!
Песьня - пераклад з рускай мовы
© Copyright: Валик Шалэйка, 2016
Свидетельство о публикации №116101304599
Свидетельство о публикации №116101304599
Рецензии