Скрыжаванні бардовых стужак
пад планетамі вачэй
расшпільваюць блузу
непрыстойнасці.
пераразаюць лямкі дужак
распаленых рэбраў і начэй –
паганяць
абалонку зжалязелага сасуда.
Прага прылівае да ўзвышшаў
каленаў,
зрывае ўстойлівасць валамі
экзальтацыі.
Ватовы кісларод
друкаванымі дотыкамі плявузгае
пра эміграцыю
стыхійна абяднелага палена.
Маставыя ўдыхаў
выпластоўваюцца ў дарогі.
Выхлапнасць цыгарэт
замацоўвае ў дужках ногі,
саладзіць прэсны пакой,
непрыхільны да правакацыі
нетандэмнымі фарбамі
стужак. ценяў. памады.
скуры. адзення. думак.
Пажарны спакой бардовых стужак
распранае,
апранаючы непрыкрытасцю
нораву і чыну.
Блізкасць недазволенага пужае
адсутнасцю выратавальных кашуль
і прымусам да каранціну.
Да С
© Copyright: Аляксандра Фагот, 2016
Свидетельство о публикации №116101200816
Свидетельство о публикации №116101200816
Рецензии
