РИГЪАР
Ипна гьарай чрушнари
аьрз апІури ригъукна:
йифу кьан гъапІну кІури,
кубкьайиз апреликна.
Ч1ивишнаринра кмиди,
дюн‘яйиин гьарсабдин
ихь "Ригъухьна" гирами
тІалаб а: гъитуб шадди.
***
Мектебариъ айидарра
танафусдиъ ригъук каргра.
Штарикк ккайидарра
ригъдин нурарикк ккаргра.
Ригъдилан гъайри хъана
гизаф ригъар ахьуз гьа:
ватан, гъул, жям‘аьт, дада,
гьюрмат, асул, гьисс – магьа.
Салам гъайибхай, нурар,
разивалин машарихьан,
лепйир хъаърайи хиларихьан -
аьлхъюрайи ригъарихьна.
Ипна гьарай рангари
рубкьурайси чпин гьяракат ригъухьна:
чвул гъубшну, йиф абхь, кІури,
чруб алди гъюз машкврариккна.
Ригъар
© Copyright: Рашид Азизов 2, 2016
Свидетельство о публикации №116101007401
Свидетельство о публикации №116101007401
Рецензии