МАРХЬЛИН КЬЯЛЯХЪ
Пашманди айи кІажари
кьяши шараб гъубхънийи.
Беълийирин гьибари
чпин машар гъижикІнийи.
Гьарин кІанакк шюхъяри
гукІни хлинццар ктихнийи.
Дурари чиб-чпикк ккутІукьури
амслиз улар ккадатнийи.
Келемари чпин унариз
таза шид уч гъапІнийи.
Дахабгнайиб гъибшиш к1ури
мархь кьаназ уьбхюрайи.
Гамшарна ва саб бядяхъ
кьираъ дахьнайи гъулахъ.
Разишан мархьлин кьяляхъ
крабчІурайи йиз гъвалахъ.
Гъушу гъагъи дифари
УкІушин тІапІу завариъ.
Накьдин гъахьи улхбари
кьар апІу гьялак нирариъ.
Такабурди а табиаьт
Табасарандин гъюляригъ.
Рагъури нурар аьламат
гъя ригъ исккан гъяраригъ.
Мархьлин кьяляхъ
© Copyright: Рашид Азизов 2, 2016
Свидетельство о публикации №116101007369
Свидетельство о публикации №116101007369
Рецензии