Йисар физва агатна чан,
Хайи чилел мугиз тежез.
Хквезвач япариз зи ван,
Ц1разва ширин тир зи мез.
Мус ахквада дагълар гатуз,
Кьурадалди пад хьана рик1.
Ватандик к1вач хк1ур юкъуз,
Терекмадал кьуьлдачни гьик1!
Сак1ани рехъ туьк1уьзвач зи,
Лекь хьиз чуьлда элкъведайвал.
Ч1угвадай за нехишар чи,
Ивид(ин) ранг алай перемдал,
Кьакьан- камун мух булахдай,
Гъилералди хъвадай за яд.
Кьарад(ин) цуьквер къвалаг жедай,
Мани лугьуз, к1ват1дай за фад.
Куьтях хьана селлер, амач,
Рик1ин хабар къалур тежез.
Я уьмуьрдик рангар кумач,
Амач заз лагьудай гаф квез.
Ик1а хайи чилигди зун,
Сак1ани гьеч ахкакьзавач.
Баябан тир чуьллер ахкун,
Мураддай зи акъатзавач.
Йисар физва агатна чан
© Copyright: Назиль Махмуд 76, 2016
Свидетельство о публикации №116100911039
Свидетельство о публикации №116100911039
Рецензии