Чуччуз

ЧУЧЧУЗ

Лигачва ригъдин чархназ фици дубхьнаш,
Нурири шубарин гарцIлар аргури!
Гьяйран йихьайчва ярхи-шур'ин, гьапIраш,
Чан гъядккан вари халкьар ккадаури!

Тахсиркар вуйкIан луфар-гъушар мушваъ,
Хьадукран гюзел йигъар дуфнайиган?
Даршиш укIар-кIажарин ишигъ гьамшваъ,
Хьуз шуллугъчи зарафатсуз гъабхьнийкIан?

Мици гьаз ву гъи, мугагьназси дарди,
Ихь машналан аьлхъюб кам даршулди?
Агьа, фу тахсиркар вуш гъабшичуз кIваин:
Гъи бабкан гъахьи йигъ вуда Ленайин.


Уву кIваан мубарак апIурача,
Учуз сарсана велед аькъин кIури!
Увуз хай кюкйир тебрик апIурача,
Бахтлу йисандин накьишар кайи!

Бабаз гъайгъувалин гьич тяриф адар,
Ширинвал дугъаз табигъ дубхьнайиган.
Ккунир хабахъ хъайивалтIан ад адар,
Низам уьмрин гьунар чан хилиъ айиган.

Назлу сумчрар айиси гьугъужвначуз,
Аьлхъру сесерин гъучйир духьнайиган.
Мукьмарин дагълариъ айиси вучуз,
Гъийин йигъ хьадукрахъди дуфнайиган.

Яв бицIирин дихар гъашиш ерхьури
Жакьвариндихьан жара апIуз даршлу -
Уву, Лена, гъиси гъашиш рякъюри,
Ич тIалабар тяйинди гьарган шулу.
20.03.85