ДИВАН
Алчагъ дивандиз хурушра
Гьякьра шула узуз нягьякь.
Намусузди жвув ккагърушра
Нягьякьра узуз шула гьякь.
Дугълан йиз беден абгъури –
Гьякьра шула узуз нягьякь.
Жвувлан футнийир рагъури –
Нягьякьра узуз шула гьякь.
Дугъривал арайиз хурза -
Гьякьра шула узуз нягьякь.
Дугъан агьрари кур вуза -
Нягьякьра узуз шула гьякь.
Халкьдин зегьмет ипІурава –
Гьякьра шула узуз нягьякь.
Узу биябур апІурава –
Нягьякьра узуз шула гьякь.
Гъибисза иблисдин хилхъан –
Гьякьра шула узуз нягьякь.
Зина гъапи дугъу дидкан –
Нягьякьра узуз шула гьякь.
Фу бадали гьякьна нягьякь
Йиз уьмриз къаршу удучІвна?
Хътарзу гьич саринра кьяляхъ,
Гьаз вуш, бахт узхьан гьудубчІвна!
Мич кайиз шлубдикан диван
Уз‘ин алапІурин – нягьякь.
Килигураза Сариз сабан
Узу фила вуш шул кІури гьякь!
Диван
© Copyright: Рашид Азизов 2, 2016
Свидетельство о публикации №116100209830
Свидетельство о публикации №116100209830
Рецензии