ЛИТІНАРИ АБКУРА ЙИЗ ХИЯЛ
Тики-тикиди уч апІурайи
ЛитІнари абкура йиз хиял.
Хабарсузди алабхьурайи
Йиз фагьумдик кепІнайиз зиян.
Пуз шулдарзухьан гьам гьеле
Зийни капІу зарал фициб вуш.
Амма фикрари абцІнайиз келле
Хайирнахъ хъаърайиси Шли-вуш.
Якьинди хъугъузра шлубси дар,
Вари уьмур сабпну гъюбгъиган.
Гъюруб кьяляхъра апІуз шулдар,
ГьапІза абкурайи хиялнакан?
Абкура йиз хиял ЛитІнари
Сасаб-сасабди уч шулайи
Эйрниин, кІамдин цІадларси,
Йиз йиккун гвараъ дабкьурайи.
Дабкьураза келле бикьури
Йиз хиялнак зиян даршлуси.
УлтІубччву уьмур кибикьури
Аза, сарун камк дибрисруси.
ЛитІнари абкура йиз хиял,
Чигру чвлин кІажарси бахтарин.
Жвуваз даккунди гъахьир ,,пиян“
Тахсирнакк ккахъза улихь вахтарин.
Лит нари абкура йиз хиял
© Copyright: Рашид Азизов 2, 2016
Свидетельство о публикации №116100209765
Свидетельство о публикации №116100209765
Рецензии