ГЬАЦИ БАГЪРИ ГЬИБГЪРИЗ
Гъахиб даршра
дагълар адру
хяхлар
укІарин
хьадну
кюкйиригъди,
аязар
йифарин
кьюрдну
аьхълушнаригъди
гьаци багъри гьибгъриз
баб-ватанси
масанди,
масун ниъ хъайибси,
хяраъ, ригъдихъан хъабхьу,
йиз уьмриан яшар гъитІу
уьлке.
Уьлке,
уьлкан вуйибси
багъри бабан хилари гъубжу,
гьаци багъри гьибгъриз
гъахиб даршра
ттеннер арду
аржлариъ тІубар урсру,
табартІан имдру –
къурагьди
дараскьалвалиан,
гъамлуди
бизарсузвалиан,
сабурлувалиан,
йиз уьмрикан
йисар кьабул гъапІган,
тямягьсузвалиан,
абурлувалиан
заанвализ.
Гьаци багъри гьибгъриз
© Copyright: Рашид Азизов 2, 2016
Свидетельство о публикации №116100209737
Свидетельство о публикации №116100209737
Рецензии