Шегьердавай хунахади,вичин хва,
Дидед чlалал рахур тийиз,акуна:
"Икl вучиз я,"-лагьана,за адавай,
Мягьтелдаказ,суал гана жузуна.
Жаваб гана:"Регъуь жеда,масадбур
Алаз,адав дидед чlалал рахайла."
Де ша гила ийин за бес гьикl сабур-
Ихьтинбури вичиз "лезги" лагьайла?
Рахаз регъуь жедай, хайи чlалални,
Инсандиз,лагь,куьне бес гьикl тlвар гуда?
Куьн мад чидач,ихьтинбурихъ галазни,
Жув лезги яз кьаз-заз вичиз регъуьда.
28.07.16 г.
Регъуь я заз...
© Copyright: Намик Фарзалиев, 2016
Свидетельство о публикации №116100105816
Свидетельство о публикации №116100105816
Рецензии