Сядзяць так лёгка!

                Птушкі паселі
                На кветку касмею.
                Як вы сумелі?
                Я так не ўмею!
                Сядзяць так лёгка,
                Быццам цені,
                А дзюбкай таропка
                Клююць насенне.
                Клюе птушка малая,
                Лускае так спрытна!
                Да яе другая падлятае
                І не клюе,бо сыта.
                Чорна пер'ечка ля хваста,
                А падкрылле зялёнае,
                З чырвонымі бровамі галава,
                Да з песнямі-звонамі.
                Хоць сядзелася ім лёгка,
                Ды кляваць няспелае?
                Крыльцамі таропка
                Пырхнулі пад сонца белае.
                На маім двары
                Гэныя госцейкі,
                Што ні гавары,
                А радасць просценьку
                Дораць на бязлюддзі,
                Калі бязладдзе,
                Калі баляць грудзі
                Аб роднай хаце.
                Пырх ды пырх - дзе ж вы?
                Сцяблінка толькі качаецца.
                Чырк ды чырк - у дзевы
                Верш мо атрымаецца?
                Кажаш,атрымаецца?
                А надвор'е штосць
                Ніяк не трымаецца,
                Бо ужо ідзе дождж.
                Ды годзе,дождж,мачыць
                Зялёнае пер'ечка,
                Бо  птушка  маўчыць,
                Цярэбіць шапку-цемечка.
                Рулюе хвост угору,
                А пер'ечка падкрылля,
                Хоць дождж ёй і гора,
                Але добра памыла.
                Каб уся зялёная была,
                Дык згубілася б у полі,
                І спрачацца б не змагла
                з ёй прырода болей.
                Сядзяць так лёгка:
                Маленькае бо цельца,
                А сёння ізноў холадна -
                Няма сонца цяпельца.
                Птушка малая,
                Ці бачыш ты,
                Што восень палае,
                Дык у вырай ляці?!
                Сяджу так грузна
                На лаве у хаце...
                Птушцы - круіз,
                А мне - печ ды палаці.