ХАРГНАЙИР
Кьяшишан адарди къур дубхьнайиган
Дахаргна кІури шулу, укІар-кІажар.
Саб ляхин хил‘ан уьдюдюбгърайиган,
УтІурччвуру гагь‘инна кьяши кІашар.
Ламун амсар алди, ригъар адруган,
Дахаргна, кІури шулу, завар жилар.
Тямягь хътарди саб ляхникк хяв ккадруган,
Дургру хъа гъюрибдикк ккахьнайи шилар.
Табиаь дахабгна, кІури шулушра,
Гъайгъушин ади дидин тямягь гьубкІна.
Улар даршра, юкІв, хилар ишурашра,
Раббийин гьюрматнахъ харгнайир дукІна.
Харгнайир
© Copyright: Рашид Азизов 2, 2016
Свидетельство о публикации №116092910159
Свидетельство о публикации №116092910159
Рецензии