Физва йикъар,яд фидай хьиз кlамарай!
Рикl секин яз,ацукьнани кlвале вун?
Вун патал зун акъатзава хамарай!
Куьз гьатзавач лагь жейрандин геле вун?
Атайла йиф,зун пенжерда ацукьда,
Хияларда артух хьана сефилвал .
Зи рикlе вун муьгьуьббат яз амукьда,
Гьайиф-гьайиф,сархуш хьана жегьилвал.
Физва уьмуьр,хабар такьаз рикlикай,
Гуьзетнай за,гьамишанда гуьзетнай.
Къати гар яз физвай вун зи виликай,
"Геж ийимир!"-лагьана ваз минетнай.
Зи азизди,ажеб ви рикl секин я,
Зи умудар ихтибарда вири вал.
Ви рикlел зун мад татунни мумкин я,
Зи накъвар хьиз михьиди хьуй кlанивал.
Гуьзетнай, за!
© Copyright: Марьям Алискерова, 2016
Свидетельство о публикации №116092810010
Свидетельство о публикации №116092810010
Рецензии
