ФАЛ
Дагрин гъвалахъ хъайиган,
КІул эбхну деънайирик
Лепйири фал китразук
Йиз сурат чаз улупган.
КІвак иццрушин кайирик
Нурари фал китразук
Йишвну вазлихь хьайиган,
Кивну саб гарцІал гьарик.
Ахсрари фал китразук
Ярхла къарантйирихьан,
Кабхьуз мичІалдайирик
Ригъ – ва гьам жангар завук.
Дустран сумчир айиган,
Ялхъвниъ арагънайирик
Шубари фал китразук
Хабар кубкІси йиз кІвакан.
Гьенгерихъ хъахънайирик
Мукьмари фал китразук
Шабшарихь гьахънайиган
Гештди, зарб апІрурихъ лик.
Рангари фал китразук
Хъуркьнайи гьарубдихьан,
Шикил капІрайиси цалик
Гъюру уьмрикан назук.
Фал, фал, фал хътІатІабццру фал!
Саб уьмур гъубшниз кагьал.
Фал, хъана китзакІан фал? –
ЧIяаьн! Уз’ин Адонай ал!
1987
ФАЛ
© Copyright: Рашид Азизов 2, 2016
Свидетельство о публикации №116092708355
Свидетельство о публикации №116092708355
Рецензии