Къезел

Заз,назлу гуьзел,ахквазамач вун,пара чlав я,
Туш вун таквадай легьзе уьмуьрдай-чара чlав я.

Гатфар я,ахъайна ава,цуьк,чуьлда,дуьзенда,
Амма зи рикlе кьуьд я,зи бахтикъара чlав я.

Наз гузни,язух къвечни,чуьнуьх жез ава вун,яр,
Ашкъид кана муьшкуьл хьайи,дердер-хара чlав я.

Гьич йисни хьанач,севгиди цуькна чи гевилра,
Зендерни къведач хьи,ягъадай ам,цlара,чlав я.

Гьал хьанва перишан,гьевесар-туш яшайишдин,
Руьгь кьенва,зи тандини хьи,гьатдай,сара,чlав я.

Тахсир алачиз,батlул ийизва вуна зун,мад-
Калбур аватуз,дигмиш амукьдай,тара,чlав я.

Рикl зи,ви патагва,физавач гъил са кlвалахдал,
Югъ-йиф акъатуз буш,гьаваян-авара чlав я.

Ашкъ вуч я течирбур акьадач хьи,зи гъавурда-
Авазва лугьуз:кар-чlал амач,бейкара чlав я.

Намик,беса мад,кьаз вугана жув на байихрив,
Белки ийидайни са акьулдиз,чара,чlав я.


Рецензии