Молитва для исцеления

Молитва пред иконой целителя Пантелеимона.

О святый великомучиниче и целителю Пантелеимоне, Бога Миластиваго подражателю!  Призри благосердием и услыши нас грешных, пред святою твоею иконою усердне молящихся. Испроси нам у Господа Бога, Емуже со ангелы предстоиши на небеси, оставление грехов и прегрешений наших. Исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих. Се бо грех наших раде, люте одержими есмы многими недуги и не имамы помощи и утешения, к тебе же прибегаем, яко дадеся ти благодать молитися за ны и целите всяк недуг и всяку болезнь. Даруй убо всем нам святыми молитвами твоими здравие и благопомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и Подателя всех благ, дивнаго во святых Бога нашего, Отца и Сына и Святаго Духа, во веки веков. Аминь.