сома вала

Кулгаш когаш доаца дег1 хьа
хи чу кхессач бух г1оргдар
б1арзачо никъ хьийкхач хьа
шеко йоацаш саг тувлалургвар

Къор сагага бала кодабича
цун 1а дувцар хозаргдацар
маьттаза сагага оашхараш ца дича
1а ле беча меттах кхетаргвацар

Из деррига да хьона ховш
дуне санна да из къаьна
х1аьта вац  хьат1аэца ловш
бакъ долча х1амах гаьна ваьнна

Аллах1ах новкъост ветташ
д1а ца хозачунгара деха
суннат,къор1а 1а д1атетташ
шайт1а безаш бола никъ леха


Веннача сага бац хьоца бала
из ше цига г1о эшаш воал
ялсмале хургъя е ц1еран ала
цунгара деха,кара да мотташ доал

Воаг1аргвац хьа каша чу устаз
воаккхаргвац цо к1алхара  хьо
Бийцабар хьога фаьлг  дадас
х1аьта цох дегчура тийшар хьо

Цхьане йоах из ва дийна
из овлияй карамат да
валар-кх хьо таккхалч 1ийна
хьоца къамаьл дер кархьат да

Имамас аьлча,из да мотташ бакъ
вац хьо тохкаш, далил лохаш
г1алат доацар хьона из ва-кх
лела цох масса хана гадоахаш

Цох сона хила в1алла зе дац
из никъ хержаб 1айха
сона т1а д1а алар мара дац
кхоачарг вола моттиг й1айха

(Тембенаькъан Мусай Мухьаммад,
20-г1а Моажол 2016  шу)