Даьсса т1акъаши 1аьржа циски
хьа никъ хоадабераш уж дац
баьсса корт ба бехке ,мискинг
х1аьта из кхетаде хьа низ бац
Кач элача х1айкало лораву мотт
берий юхьмарашта к1урц хьекхаш
цох тешача наьха хьал воча отт
б1арги хьами хилча дов дехкаш
Из ба, шеко йоацаш, шайт1и поал
Аллах1ах тешачо из леладац
хьо из даггар раьза деш воал
нийса ва мотташ тоба дац
"Селхан - тохаш,озаш молаш
тахан волавелар ер хьеха"
во дар мара вац хьо оалаш
г1ирс хьа ц1ена, дог да б1еха.
Тхох хьо веле а, дош ца хеташ
"маза чура имамаш" яхаш
бу оах хьехам хьох къахеташ
ва, ма хержа харца наькъаш
Мичахь, маца лергда,ала,
Аллах1а цхьанена мара хац
бусулба долаш даха, дала
оалам дер вайга Из вац?
Ц1и я 1аьржа къемат къахь
дагадоха хье мишта лийнав
хургдола 1азап хьона г1аххьа
хьо харца наха юкъе кхийнав
(Тембенаькъан Мусай Мухьаммад. 16-г1а моажол 2016 шу)
харца х1амаш
© Copyright: Магомед Тамбиев, 2016
Свидетельство о публикации №116091606266
Свидетельство о публикации №116091606266
Рецензии