Кlандач заз зул,ихьтин мекьи йикъарни,
Пеш вегьена чуплах хьанвай тарарни.
Рагъ аквазмач циферикай цавайни,
Дагъдин синел атанва циф чиляйни.
Катна фена гатун чими йикъарни,
Чилик тадач халкьди турпни,газарни.
Муьхцерив векь агудда,гьакl самарни,
Йифер яргъи,къалин жеда крарни.
Къирав яда чуьллеризни тамариз,
Кьери хьайи булахравай ятариз.
Гьич хуш амач,мани ядай нуькlвериз,
Гьахьнава зул чи рикlерин гьиссериз.
Зулун гарни акъвазнава гьуьжетиз,
Хъипи пешер тазва цава гьелекиз.
Язух жезвач,къай кваз къвайи марфариз,
Тlебиатди икрамзава цавариз...
Зул
© Copyright: Марьям Алискерова, 2016
Свидетельство о публикации №116091507351
Свидетельство о публикации №116091507351
Рецензии