(зарафат)
Айвазни Гуьлназ
Ахцегьа аваз
Акунай накь заз.
Сад К1елез Хивел,
Сад к1ане-чилел,
Вилер чеб чпел.
Хуьз тахьай кьарай,
Айвазай ц1арай,
Акъатна гьарай:
Гуьлназ !
Гуьлназ !
Гуьлназ !
Дуст акур ч1авуз,
Гуьлназан шаксуз,
Гъил фена цавуз.
Тахьана акъваз,
Зарб-гьерекат кваз,
Авахьна Айваз.
Шарвилид чилел,
Ахцегьа муькъвел,
Гьалтна чеб чпел.
Бахтлу кьве жегьил
Акур, гъиле-гъил,
Яна за шикил.
Айвазни Гуьлназ
© Copyright: Сейфудин Шахпазов, 2016
Свидетельство о публикации №116091409165
Свидетельство о публикации №116091409165
Рецензии