керда шу

Да вахав тха корсам эца
лаьрх1ад оах тахан д1ахеца
боахка кхалнах ноанол деш
мехкахой ба ц1ай дездеш

Хьат1адоаг1аш керда шу
даъа х1амах диза шу
сахьата г1оаролг шийттанет1а боал
кад текъабар тхьамадаг доал

Корсама гонахь кхеста бераш
г1ордадегара совг1ат дезаш
б1арчча шера цунга хьийжад
цу шера во хила уж кхийрад

Из вай даьша леладаь деце а
бусулба динцара из деце а
иштта,х1ара шу мел доала
керда ц1ай вайн юкъедоала

"Дукха балаш 1ийшаб,лайнаб
т1ема т1а,сибрех дукха байнаб
х1анз тхой синош парг1ат даха
таьме дар дергда оах наха "

"Иштта а гац цу берашт дикал
парг1ата са даха уж битал
шой бералех са мукъадала
из е вож ма де  ма ала".

Кераст наьха дар деза ца деш
бусулба х1амах кхоачам беш
дахаш хилча,дерриг  хургдар
цхьоаг1о ,барт, рузкъ а кхыдар

Бераш нийсача дин т1а кхе дича
хьарам хьаьнал къоаста дича
тара хургбацар кераст наха
хургбар  син парг1ата масса хана

(Тембенаькъан Мусай Мухьаммад; 17-18 -г1а аьтинг(август))