ТУЧУМ
-Уву, узу,
Бабу, адашди, дади
АпIурхьа гъи,
Ихь тамашйир вариди:
ГьитIикIникIар,
Гьар фуж наан аш агруб,
Жинди дуфну
Берейиин тучум апIруб.
Мара, гьисаб
Йирхьубдиинна апIин.
Тинди илдиц,
Илив хилар машниин.
Учу хулаъ
Гъудургну - гъахьнуча жин.
Гьамус увхьан
Хъюгъ шулуш, учу агин.
-Аьгъю йибхьай,
Учву агуз хъюгъраза:
А - а - а - баб,
Пичрахъ хъайир - тучум!
А - а - а - даш,
Тахчигъ гъяйир - тучум!
А - а - а - вва,
Чарчнакк ккайир - тучум!
Наан ава?
Дада дихъурадарзуз!
Уву миди
Имбудар гъидихъунзуз:
Устликк ккадар,
Хъа наан гьитIикIнава?
Фуж вуйкIана
Дуркьарикк ккайир, агьа!
...............................................
-Мара, Мара
Марайиз ухди тучум! -
Бабан кьялхъян
ХътIурччву дадайи кIур.
-А - а - дада,
ДадатIай! - Хътибчруси кум
Чан ккунирик
Ергури дуфну кархьур.
Тучум
© Copyright: Рашид Азизов 2, 2016
Свидетельство о публикации №116091104930
Свидетельство о публикации №116091104930
Рецензии