Шумуд варз я такуна заз Лезгистан
Дагъларилай чарх язавай лекьерни.
Техил цанвай ник1ер,юрдар авадан
Агъзур жуьре цуьквед кьунвай чуьллерни.
Къе садбурун мурад я фин Париждиз
Садаз к1анда яшамиш жез Дубайда.
Завай жедач жув хуьз санан секиндиз
Гайит1ани гьанра к1валер гьавайда.
Лацу бармак алай зи Шагь дагълариз
Гьар экуьнахъ килигиз зун вердиш я.
Цуьквед кьуна ч1иж элкъвезвай багълариз
Физ к1анда заз, ина гьар тар таниш я.
Зи лезги чил, вун заз багъри Диде я
За нек хъвана а ви михьи хуралай.
Заз Самур вацl, к1вални-уба вине я
Багьа затl жеч верц1и лезги ч1алалай.
Владиказ пак Лезгистан вири я
Вац1ар,дагълар,багълар кьунвай къужахда.
Зи бубаяр къекъвей рекьер сейли я
За гьамиша зи чилерал дамахда!
Зи бубайрин чилерал за дамахда!!!
© Copyright: Владик Батманов, 2016
Свидетельство о публикации №116091104045
Свидетельство о публикации №116091104045
Рецензии