Живедин фур,мурк1ад булах,
Ц1антар векьер авай яйлах.
Ц1игел я зун йифиз юкъуз.
Мус фида чун Гъулцин тамуз ?
Зун галтугиз вунни катиз,
Зи къармахрай вун акъатиз.
Гьикьван хьуй вун тай хьиз хамуз,
Мус фида чун Гъулцин тамуз?
Къурбанд хьана зун ви чандиз,
Далу яна таран тандиз-
Ацукь тежез чилел ламуз.
Мус фида чун гъулцин тамуз?
Гьикьван давам хьуй и саягъ?
Вун кьуд патаз килиг, вил ягъ.
Тамир на зун ик1 куз-хъукъуз.
Мус фида чун Гъулцин тамуз ?
Мус фида чун...
© Copyright: Сейфудин Шахпазов, 2016
Свидетельство о публикации №116090901176
Свидетельство о публикации №116090901176
Рецензии